Auka engrospris på lam 1. halvår 2026
(06.10.25) Veke 39 (22. - 28. september) er nå inne i slaktestatistikken. Denne veka slakta Nortura 53 200 lam. Medelvekta tippa under 20 kg til 19,7 kg, men dette er likevel 0,7 kg over tilsvarande veke i fjor. Medel klasse var R/R+ (8,4) og medel feittgruppe 2+/2 (5,5).
Dette var nok ei veke der klassen var 0,2 over og feittgruppa 0,2 under fjoråret. 94,4 % var Stjernelam og 72,5 % var Gourmetlam. Gourmetlam-andelen har var 3,6 % over tilsvarande veke i fjor, det er imponerande! Slaktesesongen på sau og lam rullar vidare.
Vi er nå igang med veke 41 og er godt ute i oktober. I denne veka planlegg Nortura å slakte ca 51 200 sau/lam. Det er framleis stor etterspørsel etter lam, og alt som blir slakta går ut til eiga skjering eller blir seld til ulike industrikundar.
NOEK (Norsk egg-og kjøttråvare) meldte den 2. oktober at konsernstyret i Nortura har vedteke planlagt gjennomsnittleg engrospris for fyrste halvår 2026 på ulike dyreslag. For lam vedtok konsernstyret ein engrosprisauke på kr 4,50. Bakgrunnen for det er at det er potensiale for auka salet av norske lam av rett storleik og kvalitet. Det er difor ynskjeleg å stimulere til auka produksjon av lam, helst ved at det blir produsert meir lam pr sau.
I 2024 slakta Nortura-sauebonden 4,04 kg lam pr kg sau, 0,3 kg meir enn i 2023.
Nortura har også fleire tiltak på gang for å auke salet av sau. Vi håpar difor at vi er på rett veg til å få til ein enda meir marknadsbalansert produksjon på både sau og lam.
Statistikk graf Nortura
Statistikk tal Nortura
- Tabell med slaktestatistikk veke 27 - 39, pdf. 448 kb
- Tabell med slaktestatistikk veke 27 - 38, pdf. 252 kb
- Tabell med slaktestatistikk veke 27 - 37, pdf. 252 kb
- Tabell med slaktestatistikk veke 27 - 36, pdf. 253 kb
- Tabell med slaktestatistikk veke 27 - 35, pdf. 414 kb
Statistikk total
- Animalia: Slaktestatistikk - småfe (ekstern lenke)
