Full rulle med lamme- og saueslakting
(14.10.25) Da er vi godt i gang med oktober og veke 40 (29. september - 5. oktober) er inne i slaktestatistikken. I denne veka slakta Nortura 54 600 lam med medel slaktevekt 19 kg, 0,5 kg høgare enn fjoråret same veke. Medel klasse låg på litt over R (8,2) og medel feittgruppe på 2+/2 (5,5).
Trenden med litt betre klasse og mindre feitt enn fjoråret, held seg også denne veka. Stjernelam-andelen låg på 93,1%, 0,9 % over fjoråret, og Gourmetlam-andelen på 67,1 %, heile 2,3 % over fjoråret. Dette er flotte lam å tilby kundane til Nortura!
Vi er nå i gang med saueslaktesesongen. Denne veka, veke 42, er fyrste veka med høgast pris på sau. Det har sjølvsagt Nortura-sauebonden fått med seg. Det er difor store innmeldingar. I tillegg er det også framleis god innmelding av lam. Vi er difor i gang med den største slakteveka i årets sesesong. Nortura planlegg å slakte ca. 12 300 sau og ca. 50 000 lam denne veka. Det betyr at slaktekapasiteten er fullt utnytta inkludert overtid, på dei fleste Nortura-slakteria.
Nortura har fleire tiltak på gang for auke salet av sau. Det er difor viktig å få skore ned mest mogleg av sauen fersk nå i saueslaktesesongen.
Nortura PROFF, som sel varer til storhushaldningskundar, har utvikla fleire nye produkt som det er bra innsalg av. Det er også etterspørsel etter meir halalslakta sau. Sau er utfordrande å selje som heile slakt sidan ein må ta ut ryggmargen. Difor planlegg industriseljarane i Nortura å tilby halal-marknaden tredelt halv sau pakka i kartong. Da kan slaktebutikkar enkelt kjøpe sau direkte frå Nortura, utan å vera godkjent for uttak av ryggmarg. Nortura industrisal har som mål å selje 300 tonn sau på denne måten. Det monnar godt!
Nortura har også medlems/ansatt tilbod på halv sau pakka i kartong med bestillingsfrist 17. oktober. Målet er sjøvsagt minst mogleg reguleringslagring av sau denne slaktesesongen.
Alt av lam går rett til eiga skjering eller industrikundar også denne veka.
Statistikk graf Nortura
Statistikk tal Nortura
- Tabell med slaktestatistikk veke 27 - 40, pdf. 252 kb
- Tabell med slaktestatistikk veke 27 - 39, pdf. 448 kb
- Tabell med slaktestatistikk veke 27 - 38, pdf. 252 kb
- Tabell med slaktestatistikk veke 27 - 37, pdf. 252 kb
- Tabell med slaktestatistikk veke 27 - 36, pdf. 253 kb
- Tabell med slaktestatistikk veke 27 - 35, pdf. 414 kb
Statistikk total
- Animalia: Slaktestatistikk - småfe (ekstern lenke)
